काठमाडौं, रामेछाप साँस्कृतिक कलाकार समाजको महिला उपाध्यक्षमा लोकदोहोरी गायिका कल्पना सुनुवार निर्बिरोध निर्बाचित हुनुभएको छ । यहि पौष १७ र १८ गते दुई दिनसम्म मन्थलीमा भएको चौथो अधिबेशनद्धारा चर्चित गायिका कल्पना सुनुवार निर्बिरोध निर्बाचित भएकी हुन् ।

त्यस्तै अध्यक्षमा चर्चित गायक कुमार कार्की बरिष्ठ उपाध्यक्ष उत्तम पौडेल, प्रथम उपाध्यक्ष युनिक विफा घिसिङ, द्धितिय उपाध्यक्ष सन्ध्या सानु पनि निर्विरोध निर्वाचित भएका छन् । यसैगरी समाजको महासचिव गोविन्द गौत्तम, सचिव गुणराज श्रेष्ठ, सहसचिव सन्तोष पौडेल, प्रवक्ता रामकुमार नेपाली, कोषाध्यक्ष सविन चौहान, सहकोषाध्यक्ष तिर्थविरक्त पाख्रिन निर्विरोध निर्वाचित भएका छन् ।

यसैगरी विनोद लामा, सिर्जना रोक्का, संगिता केसी, वविता पोखरेल, रमेश खत्री, सन्ध्या सुस्केरा मोक्तान लगाएत १६ जना कार्यसमिति सदस्यहरु निर्विरोध निर्वाचित भएका छन् ।

यस्तै,रामेछाप साँस्कृतिक कलाकार समाजले पत्रकार हिमाल ढुङ्गेल सहित एक दर्जन भन्दा बढी कलाकारहरुलाई सम्मान गरेको छ । रामेछाप साँस्कृतिक कलाकार समाजले आफ्नो १२ औँ साधारण सभा तथा चौथो अधिबेसनको अवसरमा पत्रकार ढुङ्गेल सहित एक दर्जन भन्दा बढी कलाकार सम्मान गरेको हो । नेपाल टेलिभिजनका जिल्ला संवाददाता रहेका ढुङ्गेल लामो समयदेखि पत्रकारिता पेशमा संक्रिय रहेका छन् । राष्ट्रिय टोपी दिवसको अवसरमा ढाकाको टोपी र सम्मानपत्रसहित ढुङ्गेललाई सम्मान गरिएको हो । उनी नेपाल पत्रकार महासंघ रामेछापका पूर्वअध्यक्ष समेत हुन् ।

स्रष्ट्रा सम्मान तथा बह्त साँस्कृतिक कार्यक्रम मार्फ कलाकारहरु चादनी मोक्तान, अनिता बस्नेत, रञ्जीता गुरुङ्ग, पार्वती कार्की, डिवि खनाल, खेम सेञ्चुरी, विक्रम जंग शाह, शिवहरी पौडेल, नवराज घोरासैनिलाई सम्मान गरेको हो । कलाकार समाजले आफ्नो साधारण सभाको अवसरमा प्रत्यक बर्ष स्रष्ट्रा सम्मान कार्यक्रम राख्दै आएको छ । समाजले धामी झाकीँ प्रर्दशन गरी साँस्कृतिक कार्यक्रम सहित आफ्नो साधारण सभा तथा अधिबेसन गरेको छ ।