काठमाडौं, कोरोना भाइरसको नयाँ भेरिएन्ट ओमिक्रोन त्रासले फिल्म ‘प्रेमगीत ३’ को रिलिज मिति फेरि स्थागित भएको छ । निर्मातासमेत रहेका निर्देशक सन्तोष सेनले सामाजिक सञ्जालमार्फत चलचित्रको रिलिज स्थगित भएको जनाएका छन् ।

‘चलचित्र प्रेमी, दर्शक, पत्रकार साथीहरू, चलचित्र संघमा यो खबर गर्दा दुःख महसुस गरेका छौ,’ सेनले लेखेका छन्, ‘१३ फागुन प्रदर्शन मिति तोकेर प्रचारप्रसारका साथ फिल्म दर्शकका लागि पस्कने तयारीमा थियौं । भारतमा फिल्म हल बन्द हुने क्रम बढेकाले त्यहाँका वितरक समूहको सुझावलाई मनन गर्दै रिलिज स्थगित गरिएको छ ।’

नेपाल र भारतको अलवा अन्य देशमा पनि एकै मितिमा फिल्म प्रदर्शन गर्न अहिले अनिश्चितकालका स्थगित गरिएको सेनले उल्लेख गरेका छन् । फिल्म १३ फागुन रिलिज गर्ने तयारी थियो । दुई वर्षअघि पनि फिल्म कोरोनाको कारण स्थगित भएको थियो ।

प्रदीप खड्का, क्रिस्टिना गुरु, सुनिल थापा, सन्तोष सेन, माओत्से गुरुङ, पुस्कर कार्की, प्रेम पुरी, अनुभव रेग्मी, योगिशा खत्री, जीवन भट्टराई, लक्ष्मी वर्देवालगायतका कलाकारको फिल्ममा मुख्य भूमिका रहेको छ ।

यो पनि पढनुहोस

कपिलवस्तुमा आज बिहान ट्याक्टर पल्टिदा २ जनाको घटनास्थलमै मृत्यु भएको छ । लु४ त २४०२ नम्बरको ट्याक्टर बुद्धभुमि नगरपालिका–३ रनगाईमा बिहान ७ बजे पल्टिदा दुई महिलाको मृत्यु र चार जना घाइते भएको प्रहरीले जनाएको छ ।

दुघर्टनामा परी मृत्यु हुनेमा शिवकुमारी थारु र फुलकुमारी थारु रहेका छन् । त्यस्तै, बलराम सुनार, कृष्ण विक, सरिता थारु, सीमा थारु घाइते भएका छन् भने बलराम थारुको अवस्था गम्भिर रहेको प्रहरीले जनाएको छ । ट्याक्टर बालुवा लिनलाई मजदुर लिएर बृद्धभुमि जाने क्रममा दुर्घटनामा परेको थियो ।