गत मंसिरमा नेपालमा सम्पन्न १३ औं दक्षिण एशियाली खेलकुद (साग) मा पाकिस्तानले जितेका तीन पदक खोसिएको छ।

एथ्लेटिक्समा सहभागी ३ पाकिस्तानी खेलाडीले जितेका दुई स्वर्ण र एक कास्य पदक खोसिएको नेपाल ओलम्पिक कमिटीले बुधबार एक विज्ञप्ति प्रकाशित गर्दै जानकारी दिएको हो।

खेलका दौरान पाकिस्तानका खेलाडीले प्रतिबन्धित औषधि सेवन गरेको पुष्टि भएपछि उनीहरुको पदक खोसिएको हो। पाकिस्तानका एथलेटिक्सका स्वर्ण पदक विजेता मोहम्मद नइम, मेहबुब अली र कास्य पदक विजेता सामी उल्लाहले प्रतिबन्धित औषधी प्रयोग गरेको पाइएको छ।

तीन जनामध्ये मुहम्मद र मेहबुबको दोस्रोपटक स्याम्पल टेस्ट गर्दा त्यसको रिर्पोट पनि पोजेटिभ आएको थियो। सो रिपोर्टलाइ खेलाडीहरुले स्वीकार गरिसकेका छन्।

उनीहरुलाई वल्र्ड एन्टी डापिङ कोड २०१५ को आर्टिकल १०.८, १०.२.१ र साउथ एशिया ओलम्पिक काउन्सिल एन्टी डोपिङ नियमको आर्टिकल ७.१.१ अनुसार २०१९ को डिसेम्बर ३ देखि २०२३ को डिसेम्बर २ सम्मका लागि निलम्बन गरिएको छ।

वल्र्ड एनी डोपिङ एजेन्सीको नियम अनुसार सागमा सहभागी खेलाडीहरुको इन कम्पिटिसन डोपिङ कन्ट्रयाक्ट टेस्ट गरिएको थियो। सो परीक्षणअन्तर्गत संकलन गरिएको युरिन स्याम्पल वाडाबाट मान्यता पाएको कतारको दोहास्थित एन्टी डोपिङ ल्याबमा परीक्षणका लागि पठाइएकोमा उनीहरुले शक्तिबद्र्धक औषधि सेवन गरेको पाइएको नेपाल ओलम्पिक कमिटीले जनाएको छ।