Jul 28 2026 | २०८३, श्रावण १२ गते
Jul 28 2026 | २०८३, श्रावण १२ गते
काठमाडौं : पछिल्लो २४ घन्टामा थप ४४० जनामा कोरोना भाइरस (कोभिड-१९) संक्रमण पुष्टि भएको छ। परीक्षण गराएका ६ हजार ८१४ नमूनामध्ये पीसीआर विधिबाट ३ सय ८७ र एन्टिजेन विधिबाट ५३ गरी ४४० जनामा संक्रमण देखिएको स्वास्थ्य तथा जनसंख्या मन्त्रालयले बताएको छ।
मन्त्रालयका अनुसार बुधबार थप ४७४ जना कोरोनामुक्त भएका छन्। यो सहित नेपालमा कोरोनाबाट निको हुनेको संख्या ७ लाख ९६ हजार ७८० पुगेको छ भने कोरोनाबाट थप ६ जनाको ज्यान गएको छ। मंगलबार कोरोनाबाट १ जनाको मात्रै मृत्यु भएको थियो।
हालसम्म कोरोना सक्रिय संक्रमितको संख्या ७ हजार ५१९ रहेको छ। तीमध्ये १८९ जनाको आइसीयूमा र ५३ जनाको भेन्टिलेटरमा उपचार भइरहेको छ। यस्तै पछिल्लो २४ घन्टामा १६ हजार ५२९ जनाले कोरोनाविरुद्धको खोप लगाएका छन्।
.gif)
पछिल्लो समय कोरोना संक्रमण दर घट्दै गएपनि जोखिम भने टरिनसकेको विज्ञहरुले बताएको छन्।
© 2026 All right reserved to laligurash.com
By 
