Jul 28 2026 | २०८३, श्रावण १२ गते
Jul 28 2026 | २०८३, श्रावण १२ गते
काठमाडौं: काठमाडौं महानगरपालिकामा आजदेखि कोरोनाविरुद्धको खोप एस्ट्राजेनेकाको पहिलो मात्रा दिइदैछ। महानगरपालिकाका अनुसार काठमाडौं महानगरपालिका भित्रका ३२ वटै वडाका खोप केन्द्रबाट खोप लगाउने व्यवस्था गरिएको छ ।
नेपाल प्रहरी अस्पताल महाराजगञ्ज, त्रिवि शिक्षण अस्पताल महाराजगञ्ज, वीर अस्पताल, सशस्त्र प्रहरी बल अस्पताल बलम्बु, निजामती कर्मचारी अस्पताल बानेश्वर, परोपकार प्रसूति तथा स्त्रीरोग अस्पताल थापाथली र वीरेन्द्र अस्पताल छाउनीमा खोप लगाउन सकिने छ ।
खोप लगाउन बाँकी १८ वर्ष माथिका सबैलाई आजबाट एस्ट्राजेनेका खोपको पहिलो मात्रा दिन लागिएको हो । खोप कार्यक्रम बिहान १० देखि अपरान्ह ४ बजेसम्म चल्नेछ ।
.gif)
काठमाडौं महानगरपालिकाको स्वास्थ्य विभागले जारी गरेको सूचनामा भनिएको छ, ‘खोप लगाउन जाँदा परिचय खुल्ने फोटोसहितको परिचयपत्र र विद्युतीय दर्ता नं.सहित नजिकको खोप केन्द्रमा गइ भीडभाड नगरी स्वास्थ्य मापदण्ड पूरा गरी खोप लगाउन हुन सम्पूर्ण नगरवासीहरुमा हार्दिक अनुरोध गरिन्छ।’
© 2026 All right reserved to laligurash.com
By 
