Jul 28 2026 | २०८३, श्रावण १२ गते
Jul 28 2026 | २०८३, श्रावण १२ गते
काठमाडौं, नेपालमा तिहार पर्व सुरु भइसकेको छ र यसका सबैभन्दा प्रतीक्षित दिनमध्ये एक भाइटीका अब नजिकिँदैछ। नेपाल पञ्चाङ्ग निर्णायक समितिका अनुसार, यस वर्षको भाइटीका शुभ साइत कात्तिक ६ गते (अक्टोबर २३, २०२५) बिहान ११ बजेर ३९ मिनेटमा परेको छ।
भाइटीका तिहारको अन्तिम र सबैभन्दा भावनात्मक दिन हो। यस दिन दिदीबहिनीहरूले दाजुभाइको दीर्घायुको कामना गर्दै निधारमा पञ्चरङ्गी टीका लगाइदिन्छन्, फूलको माला लगाई मिठा परिकारहरू जस्तै सेलरोटी, मिठाइ, अर्पण गर्छन्। दाजुभाइहरूले दिदीबहिनीलाई आशिर्वादसहित विभिन्न उपहारहरू प्रदान गर्छन्। यो विधिले दाजुभाइ र दिदीबहिनीबीचको प्रेम र सम्बन्धलाई अझ बलियो बनाउँछ।
देशभर अहिले घर–घरमा तयारी सुरु भइसकेको छ। कतिपय दिदीबहिनीहरू माइती घर पुगिसकेका छन् भने कतिले दाजुभाइको आगमनको पर्खाइमा टीका तयारी गरिरहेका छन्। घरहरू झिलिमिली बत्ती, सयपत्री फूलको माला र धार्मिक सामग्रीले सजिन थालेका छन्।
.gif)
आज कागतिहारको दिन हो, जसले तिहारको शुभ सुरुवातको संकेत गर्दछ। कागलाई खाना अर्पण गरी पूजा गरिन्छ, जसलाई मृत्युका दूतका रूपमा सम्मान दिइन्छ। कागलाई खुसी पार्दा अशुभ टर्छ भन्ने धार्मिक विश्वास छ।
तिहारको यो सन्दर्भमा अबको केही दिनहरू पशु, देवता, र मानवीय सम्बन्धहरूलाई सम्मान गर्ने विशेष दिनहरू हुनेछन्, जसको समापन भाइटीकाको पवित्र विधिसँग हुनेछ।
© 2026 All right reserved to laligurash.com
By 
