काठमाडौं, उपत्याकाका प्रहरी प्रमुख दान बहादुर कार्की आफैँ फिल्डमा खटिएका छन । एआइजी रहेका कार्की निरन्तर परिरहेको अबिरल वर्षाका कारण उपत्यकामा क्षति न्युनिकरण गर्नको लागी आफैँ फिल्डमा खटिएका हुन । उनी रातको समयमा पनि निरन्तर उपत्यकाका विभिन्न स्थानहरु पुगेर मानवीय उद्धारमा पनि खटिएका छन । यतिबेला देशभर निरन्तर बर्षा भैरहेको छ । बाढी,पहिरो तथा जलमग्नताको जोखिम उच्च रहेकाले सम्भावित क्षति न्यूनीकरणका लागि प्रहरी प्रशासन उच्च सतर्क अवस्थामा छ ।  उपत्यका प्रहरी प्रमुख अतिरिक्त महानिरीक्षक दान बहादुर कार्कीको नेतृत्वमा सुरक्षात्मक कार्य र उद्धारमा व्यापक सक्रियता देखिएको छ ।

कार्कीले व्यक्तिगत रूपमा प्रहरी कन्ट्रोल रुममा रहेका सीसीटीभीमार्फत अवस्थाको निगरानी गर्नुका साथै, रातको समयमा समेत फिल्डमै खटिएर ड्युटीमा रहेका सुरक्षाकर्मीहरूको मनोबल अभिवृद्धि गर्दै आवश्यक निर्देशन दिएका छन । राजधानीका प्रमुख स्थानहरू, नदी किनार तथा पहिरो सम्भावित क्षेत्रहरूमा खटिएका प्रहरीहरूलाई आवश्यक समन्वय तथा निर्देशन प्रदान गर्दै उनी स्वयं सडकमा पनि खटिएका हुन । उनको नेतृत्वमा सवारी साधन उद्धार,जलमग्न क्षेत्रको व्यवस्थापन, ट्राफिक व्यवस्था मिलाउने कार्यदेखि लिएर जोखिममा परेका नागरिकहरूको सुरक्षित स्थानमा स्थानान्तरणसम्मका कार्यहरू सञ्चालन भइरहेका छन् ।

उनले रातको समयमा जोखिम मोलेर खटिएका सुरक्षाकर्मीहरूलाई धन्यवाद दिँदै ‘जनताको सुरक्षामा प्रहरी सधैं तयार छ’ भन्ने सन्देश दिएका छन ।  संकटकालीन अवस्थामा देखिएको प्रहरीको यो सक्रियता र प्रतिबद्धता अत्यन्त सराहनीय रहेको छ ।आम नागरिकको सुरक्षाका लागि अहोरात्र खटिने सम्पूर्ण प्रहरी तथा सुरक्षाकर्मीप्रति उच्च सम्मान र आभार प्रकट गर्दै, विपद्को घडीमा उनीहरूको योगदानले जनविश्वास थप मजबुत बनाएको छ ।

त्यस्तै ट्राफिक प्रहरी प्रमुख एसएसपी नवराज अधिकारी पनि विदपको अवस्थामा फिल्डमै खटिएका छन । अधिकारीले ट्राफिक व्यवस्थापन देखि यातायातको सहजता प्रदान अहोरात्र सडकबाटै सुचना प्रदान गरिरहेका छन । हाल सयौँको संख्यामा सडकमा दुर्घटना नहोस भन्नको लागि उनले आफनो मातहतका सम्पुर्ण ट्राफिक प्रहरीहरुलाई निर्देशन दिएका छन । उनी चाडपर्वको समयमा पनि ट्राफिक व्यवस्थापन गर्न सडकमै खटिएका थिए । विपद्का समयमा सर्वसाधारणको ज्यान र सम्पत्तिको सुरक्षामा नेपाल प्रहरीको भूमिका निकै महत्वपूर्ण देखिएको छ ।

हालै आएको वर्षा,बाढी तथा पहिरोबाट प्रभावित क्षेत्रमा प्रहरीको सक्रियता प्रशंसनीय रहेको छ ।  त्यस्तै, पहिरोले अवरुद्ध भएका सडकहरू खुलाउन ट्राफिक प्रहरी र सशस्त्र प्रहरी बलको समन्वयमा उद्दार कार्य तीव्र रूपमा सञ्चालन गरिएको छ ।