काठमाडौँ, खराब मौसमका कारण अवतररण गर्न नसके पछि यति एयरलाइन्सको जहाज पोखरा डाइभर्ट भएको छ । विराटनगरबाट काठमाडौं उडेको यति एयरलाइन्सको जहाज काठमाडौं अवतरण गर्न नसकेपछि पोखरा डाइभटकर्ब भएको पाइएको हो । यतिबेला काठमाडौँमा बर्षा भैरहेको छ,जसका कारण यहाँको मौसम खराब बनेको छ । काठमाडौंको मौसम खराब भएपछि ६९ जना यात्रु बोकेको जहाज पोखरा अवतरण गरिएको हो । हिजो देखि नै देशभर निरन्तर रुपमा बर्षा भैरहेको छ ।

जसले गर्दा धेरै उडानहरु रद्ध भैरहेका छन । पोखराको विमानस्थल भने खुलेको छ । विमानस्थलका सूचना अधिकारी जशोदा रेग्मीका अनुसार विराटनगरको जहाज पोखरा ल्याण्ड भएको र फेरि काठमाडौं नै फर्किने तयारीसमेत गरिएको छ । यता  बिहानदेखिको अविरल वर्षाका कारण त्रिभुवन अन्तर्राष्ट्रिय विमानस्थलका आन्तरिकतर्फका उडानहरू स्थगन गरिएका छन् । खराब मौसमका कारण काठमाडौँ, भरतपुर, जनकपुर, भद्रपुर, पोखरा र तुम्लिङटार विमानस्थलमा उडान स्थगित भएका त्रिभुवन अन्तर्राष्ट्रिय विमानस्थल कार्यालयका महाप्रबन्धक हङ्सराज पाण्डेले जानकारी दिएका छन ।

उनका अनुसार अन्तर्राष्ट्रिय उडानहरू भैरहेका छन  भने  अविरल वर्षाका समयमा उडान गर्न जोखिम हुने भएकाले आन्तरिकतर्फ भने अहिले उडान स्थगन गरिएको छ । अविरल वर्षाका कारण आज बिहानदेखि आन्तरिक उडानतर्फका उडानहरू प्रभावित भएका हुन् । काठमाडौँसहित देशभरका विभिन्न ठाउँहरूमा बिहानदेखि लगातार वर्षा भइरहेको जल तथा मौसम विज्ञान विभागले जनाएको छ । विभागका अनुसार आज र भोलि भारीदेखि अति भारीसम्म वर्षा हुने चेतावनी दिइसकेको छ भने रातिमा अझ धेरै वर्षा हुने जनाएको छ । वर्षा अझै बढ्ने र नदीहरुमा बाढीको सतह बढ्ने सम्भावना रहेको मौसमविदले बताएका छन् । यसको असरले बाढी, पहिरो, डुबानको खतरा हुनसक्ने सम्भावना छ ।

त्यसैले असोज २० गतेसम्म उच्च सतर्कता अपनाउन सर्वसाधारणसहित सरोकारवाला सबैलाई अनुरोध गरिएको छ । जल तथा मौसम विज्ञान विभागका अनुसार बंगालको खाडीबाट आएको जलवाष्पयुक्त वायुको प्रभाव अहिले मधेश, बागमती, गण्डकी र लुम्बिनी प्रदेशको पूर्वी भागसम्म फैलिएको छ । तर यो बिस्तार हुँदै पूर्वतर्फ सर्ने क्रममा छ । त्यसैले पश्चिमको तुलनामा पूर्वी नेपालमा यसको असर बढी देखिने छ । अहिलेसम्म यी नदीको बाढीले सतर्कताको तह पार गरिसकेको छैन । तर आज दिउँसोदेखि कमला, बागमती र नारायणी नदी तथा यी नदीका शाखा नदीहरुमा सतर्कता तह पार हुने सम्भावना छ ।