Jul 28 2026 | २०८३, श्रावण १२ गते
Jul 28 2026 | २०८३, श्रावण १२ गते
काठमाडौँ । आज कोशी र कर्णाली प्रदेशका पहाडी एक(दुई स्थानमा ठूलो पानी पर्न सक्ने जल तथा मौसम पूर्वानुमान महाशाखाले जनाएको छ। सिक्किम आसपासको निम्नचापीय क्षेत्रको प्रभाव नेपालको पूर्वी भूभागमा परेकाले यस्तो मौसम देखिएको मौसमविद्हरूले बताएका छन्।
महाशाखाका अनुसार पछिल्लो तीन घण्टामा पाल्पा जिल्लाको कुमालगाउँ वर्षामापन केन्द्रमा ३७.८ मिलिमिटर वर्षा मापन गरिएको छ, जुन मध्यम वर्षामा पर्छ। देशका अन्य केही स्थानहरूमा पनि गएराति हल्कादेखि मध्यम वर्षा भएको महाशाखाले जानकारी दिएको छ।
आज दिउँसो देशको पहाडी क्षेत्रमा मौसम सामान्यतया बदली रहनेछ भने बाँकी भागमा आंशिक बदलीको सम्भावना छ। साथै, पहाडी क्षेत्रका केही स्थानहरूमा र देशका अन्य थोरै भागहरूमा पनि मध्यम वर्षा हुन सक्ने पूर्वानुमान गरिएको छ।
.gif)
आज रातिको मौसम पूर्वानुमानअनुसार कोशी र मधेश प्रदेशसहित पहाडी भूभागमा सामान्य बदली रहनेछ भने बाँकी भागमा आंशिक बदलीको अवस्था रहनेछ।
मौसमविद्हरूले यात्रा वा बाहिरी गतिविधिमा सावधानी अपनाउन आग्रह गरेका छन्, विशेषतः पहाडी क्षेत्रका बासिन्दालाई सतर्क रहन सुझाइएको छ।
© 2026 All right reserved to laligurash.com
By 
