काठमाडौँ । आफनो छुट्टै पहिचान बनाउँन सफल जहाँबाट आतिथ्यको सुरुवात हुन्छ’ भन्ने मूल मन्त्रका सञ्चालित नेपाली हस्पिटालिटी ब्राण्ड होटल पौवाले स्थापनाको नवौं वार्षिकोत्सवको अवसर पारेर ‘स्वाद–उत्सव’ कार्यक्रम सुरु भएको छ । आज चैत्र २५ गतेदेखि २९ गतेसम्म पौवाका सबै शाखामा आयोजना हुने स्वाद उत्सवमा नेपाली स्वाद संस्कृति झल्किने मौलिक खानाको स्वाद लिन पाइने भएको छ ।

यस उत्सवमार्फत पौवाले नेपाली स्वाद, संस्कृति र आतिथ्य संस्कारलाई राष्ट्रिय तथा अन्तर्राष्ट्रिय स्तरमा चिनाउने लक्ष्य राखेको छ । ‘मिसन १००’ को लक्ष्य पच्छ्याउँदै देशभर विस्तार भैरहेको होटल पौवाले नवौँ वार्षिक उत्सवको यस कार्यक्रम सबै शाखामार्फत एकसाथ सुरु हुने समेत बताइएको छ ।

स्थापनकालदेखि नै नेपाली स्वाद, नेपालीपनको सत्कार, नेपाली कला र संस्कृतिलाई जगेर्ना गर्ने कार्यक्रमहरू गर्दै आएको होटल पौवाले उच्च आतिथ्यता प्रदान गर्दै मौलिक स्वादको अनुभव पाहुनाहरूसमक्ष पु¥याउने उदेश्यका साथ ‘स्वाद उत्सव’ कार्यक्रम गर्न लागेको हो ।

अन्तर्राष्ट्रिय जगतमा समेत ख्याती कमाएको नेपाली सत्कारलाई ब्राण्डिङ गर्दै यसलाई थप समृद्ध बनाउने उद्देश्यका साथ पौवाले आफ्नो अभियानलाई अघि बढाइरहेको होटल पौवाका अध्यक्ष दुर्गाप्रसाद भण्डारीले बताए । ‘नेपाली संस्कृति र संस्कार एवं नेपाली रैथाने स्वादको पहिचानलाई पौवाले लक्ष्य बनाएको छ । सबै धर्म, संस्कृति मान्ने नेपालीका विभिन्न चाडपर्वलाई पौवाले विशेष बनाउँदै आएको छ’ उनले भने ।

यो उत्सवको अर्को महत्वपूर्ण लक्ष्य भनेको स्थानीय किसानको खाद्य एवं तरकारीजन्य उत्पादनलाई प्रोत्साहन समेत रहेको ब्राण्डिङ प्रमुख विष्णु भण्डारीले बताएका छन । पौवा स्वाद उत्सव बिहान ११ बजेदेखि ५ बजेसम्म सन्चालन हुने छ । उत्सवमा नेपाली स्वाद र संस्कृति झल्किने टिपिकल नेपाली खानाको प्रस्तुति हुने बताइएको छ । नौ वर्षअघि लुम्बिनीबाट पहिलो यात्रा सुरु गरेको होटेल पौवाले मुलुकका विभिन्न शहरमा गरी १७ वटा शाखा बिस्तार गरिसकेको छ । देशका विभिन्न स्थानमा रहेका आफ्ना १७ वटै शाखामा एकै साथ सो कार्यक्रम सञ्चालन गरिने होटेल पौवाका ब्राण्ड हेड विष्णु भण्डारीले बताए । उत्सवमा सहभागी हुन सबै शाखाबाट दुई लाख स्थानीय तथा बाहृय पाहुनालाई निमन्त्रणा गरिएको उनले जानकारी दिए ।देशभरका आफ्नो १७ वटा शाखामा गरी करिब ८ सय जनाले प्रत्यक्ष रोजगारी पाएको पौवाको दाबी छ ।