काठमाडौँ । नवलपरासी बर्दघाट सुस्तापूर्वको कावासोती नगरपालिका–४ की ७० वर्षीया धनमाया सार्की विगत १० महिनादेखि मलेसियामा मृत्यु भएकी आफ्नी छोरीको शब कुरेर बसेकी छिन् । बुढौलिले छोपी सकेकी धनमायालाई सन्तानको लास कुरेर बस्दा कति सम्म अटाहस भएको होला कल्पना पनि गर्न सकिदैन । उनको आँखा विगत १० महिनादेखि भिजिरहेका छन् । रोजगारीका लागि मलेसिया गएकी छोरीको हत्या भएको खबर सुनेदेखि धनमायाको जिवन आँशुकाृ पोखरीमा डुबेको छ ।

गत वैशाख २६ गते मातातीर्थ औँसीको दिन आमाको मुख हेर्ने भन्दै मलेसियाबाट छोरी तिलमाया सार्कीले गरेको फोन नै उनका लागी अन्तिम फोन बन्यो । जब अर्को फोन आयो त्यो फोनले धनमायाको जिवनमा तुफान ल्यायो । श्रीमान्सँग सम्बन्धविच्छेदपछि ६ वर्षीया छोरी आमाको जिम्मा लगाएर मलेसिया उडेकी तिलमायाको हत्या भएको १० महिना बितिसकेको छ तर हालसम्म न शव आएको छ, न त राहत रकम नै । लामो समयसम्म अनेक प्रयास गर्दा पनि शव नेपाल ल्याउन नसक्दा वृद्धा आमा र नाबालिगको बेहाल भएको छ । शव झिकाउन सबै कागजी प्रक्रिया पूरा गरेर मलेसिया पठाए पनि कुनै सुनुवाइ भएको छैन ।

सुरक्षित आप्रवासन केन्द्रको तथ्याङ्कअनुसार नवलपरासी ९बर्दघाट सुस्तापूर्व० बाट वैदेशिक रोजगारीमा गएकामध्ये चालु आर्थिक वर्षको माघ मसान्तसम्म १८ जनाको मृत्यु भएको छ । यो अवधिमा मृत्यु भएकामध्ये तीन जनाको शव नेपाल आउन बाँकी छ । पछिल्लो समय नेपालबाट वैदेशिक रोजगारीमा जाने क्रम बढ्दो छ । जति धेरै नेपाली विदेश जान थालेका छन् । यति नै अलपत्र पर्ने, ठगीने क्रम बढ्दो छ । खाडी मुलुकहरुमा धेरै नेपाली अलपत्र परेका छन् । विशेषगरी भिजिट भिसामा गएका र भागेर अर्को कम्पनीमा काम गर्ने नेपालीहरु यसरी अलपत्र पर्ने क्रम बढ्दै गएको छ । बुडा बनेका बा र आमा सन्तानको अभावमा मरिरहन्छन् ।

कतिपय सन्तान त बाकसमा फर्किन्छन् । देशको अवस्था भयावह बन्दै छ । गाउँघर सुन्य छन् । गाउँघरमा युवाको अभावले लास समेत उठ्न छाडेको अवस्थामा हामी पुगिसक्यौँ । कहिले फेरिन्छ, नागरिकको अवस्था अनि कहिले फेरिन्छ देशको ब्यवस्था । विश्वविद्यालहरु खाली बन्दै गएका छन् । कठाकोठामा माकुराको जालो लाग्न थालेको छ । क्याम्पसमा कम कन्सलट्यान्सीमा ज्यादा विद्याथी भेटिन्छन् । परिवारको जिम्मेवारी बोकेर आफ्नो सपनालाई तिजाञ्जली दिदै लाखौँको भिड त्रिभुवन विमानस्थलमा छ । सरकारले वैदेशिक रोजगारीका लागि नयाँ–नयाँ गन्तव्य खोजी गरिरहेको बताए पनि नेपालको वैदेशिक रोजगारी खाडीमै निर्भर देखिन्छ।