काठमाडौँ । भारतमा एउटा अचम्मको घटना भएको छ । कुरा के भन्दा एक परिवारले केहि समयअघी मात्रै धुमधामसंग आफ्नी छोरीको विवाह सम्पन्न गरेका थिए । तर विवाह भएको केहि महिनामा नै उक्त्त छोरिको सम्बन्ध विग्रियो । मुख्यतया वैवाहिक सम्बन्ध विग्रिनुमा केटिमान्छेको दोष देखाउने गर्छ हाम्रो यो समाजले । तर यी पिताले भने जसरि छोरीलाई अन्माएका थिए त्यस्तै तामझामबाजागाजा सहित माइती फर्काएका छन् । यो दृश्य सामाजिक संजालमा निकै भाइरल पनि बनिरहेको छ ।

वैवाहिक सम्बन्ध बिग्रिएपछी घर पक्षको त कुरा अलग नै छ यता माइती पक्षबाट पनि तिरस्कृत र अपहेलित हुनुपर्छ छोरीमान्छे । तर यी बुवालाई महान् मान्नुपर्छ जसले आफ्नी छोरीको वैवाहिक सम्बन्ध सफल हुन् नसकेपनि पनि छोरी गलत छैन भन्ने संदेशसहित बजाबजाएर पुन माईति फर्काएका छन् । यो सम्भवत् पहिलो पटक नै हो जहा सम्बन्ध विग्रिएकी छोरीलाई यसरि सकारात्मक हिसाबले स्वागत गरिएको छ । यो भारतमै मात्र नभएर विश्व समजाकै लागि एक नमुना उदाहरण बनेको छ । हामि नकारात्मक कुराको सिको छिटो गर्छौ / तर यस्ता राम्रा उदाहरणीय कुराको सिको गर्न पनि आवश्यक छ ।

झारखण्डको राजधानी राँचीमा बस्ने प्रेम गुप्ता केही दिनअघि अचानक समाचारको हिस्सा बनेका थिए । इँटाभट्टा चलाउने प्रेम गुप्ताका तस्बिर र भिडियो मिडिया र सामाजिक सञ्जालमा भाइरल भए । यसको कारण हो उनले आफ्नी छोरीको सम्बन्धविच्छेदको निर्णयलाई स्वागत गरेका थिए । प्रेम गुप्ताकी एक्ली छोरी साक्षी गुप्ताको केही महिनाअघि विवाह भएको थियो । तर केही कारणले विवाह सफल हुन सकेन र उनीहरूले सम्बन्ध तोड्ने निर्णय गरे । जब साक्षीले आफ्नो बुबालाई यो कुरा बताइन्, उनले छोरीको निर्णयलाई स्वागत मात्र गरेनन्, धूमधामका साथ उनलाई घर फर्काए। राँचीको किशोरगञ्ज इलाकामा बस्ने प्रेम गुप्ताले केही दिनअघि आफ्नी छोरीलाई उनको पतिको घरबाट फिर्ता ल्याएका थिए । सम्बन्ध विच्छेद भएकी छोरीलाई माइतीमा अराख्नु /फर्काउनु कुनै नौलो कुरा हैन तर यो घटना किन यसरि भाइरल बन्यो भने ति पिताले जसरी उनकी छोरी घर छोडेर पतिको घर पुगेकी थिइन्, त्यसरी नै छोरीलाई घर फर्किए । आफ्नी छोरीलाई यसरी घर फर्काउने निर्णय मात्र वुवा प्रेम गुप्ताको थियो।

प्रेम गुप्ताले समाजलाई ध्यानमा राखेर यो निर्णय लिएको बताए । उनी भन्छन्, ‘छोरीको बिहे गर्न हामीले धेरै पैसा खर्च गर्‍यौँ । तर यो अवस्था थाहा पाएपछि प्रेम गुप्ताकी छोरी गलत हो भनेर समाजले भन्न नपरोस् । मेरो छोरी गलत होइन भने सम्मानपूर्वक घर किन नल्याउने भन्ने निर्णय गर्‍यौँ ।’ जब प्रेमले आफ्नो निर्णय सुनाउँदै थिए, साक्षी गुप्ता पनि त्यहाँ थिइन् । साक्षी गुप्ताले आफ्नो बुबालाई बाजा ब्यान्डसँग देखेको क्षणहरू सामाजिक संजालमा सार्वजनिक गरेकी छिन्। उनी भन्छिन्, ‘त्यो दिन पहिलो नवरात्रि थियो । लक्ष्मीलाई सोही दिन घर फर्काउने भन्नुभयो । बाजाको आवाज सुन्दा म सामान प्याक गर्दै थिएँ। बिहेको जन्ती जाँदैछ भन्ने लाग्यो । तर जब मैले बाहिर निस्केर देखे कि यो त मेरो बुबा हो, यो मेरो परिवार हो। म चकित भएको थिएँ।’

साक्षीले थप भनिन्, ‘बाहिर जानुअघि म विवाहको तस्बिर हेर्दै थिएँ । तस्बिर हेर्दा नराम्रो लाग्यो, मन दुख्यो । मैले छोड्नु अघि तिनीहरूलाई च्यातेँ। जब म बाहिर निस्के, बुबाले मेरो काँधमा हात राख्नुभयो । मैले उहाँको अनुहारमा मुस्कान देखेँ। यसले मलाई मेरो बुबा दुखी होइन, धेरै खुसी भएको महसुस गरायो। साक्षी भन्छिन् कि उनका बुबा महिलालाई लक्ष्मी मान्छन् र उनी मात्र होइन घरका सबै महिलाहरूलाई असाध्यै माया गर्छन्। ‘मेरो बुबाले लिएको निर्णय हरेक बुबाले आफ्नी छोरीको लागि लिनुपर्ने निर्णय हो भनेर साक्षि आफ्नो भाव पोख्छिन् । बुवाले रुँदै बिदाइ गर्नुभयो तर हाँसेर लिन आउनुभयो। यो देखेर डिभोर्सको बोझ अलि कम भएको छ । आज जहिले पनि कतै जाँदा धेरै गर्व लाग्छ। मेरा आमाबुवाले मलाई पहिले जस्तै सामान्य जीवन दिनुभएको छ। त्यो सम्बन्धमा मेरो कुनै गल्ती थिएन। म विगतलाई भुल्न सक्दिनँ, तर त्यो पीडा धेरै कम हुनेछ।’आफ्नो भावी जीवनको प्रश्नमा साक्षीले आर्थिक रूपमा आत्मनिर्भर बन्न काम गर्न चाहेको बताइन् । उनी भन्छिन्, ‘मैले फेसन डिजाइनिङमा स्नातक गरेकी छु । अब फेरि पढाइ सुरु गर्न लागेको छु । मेरो आफ्नै बुटीक खोल्ने एउटा सानो सपना छ। मलाई लुगामा धेरै रुचि छ। फेसबुक र इन्स्टाग्राममा म जस्ता धेरै महिलाहरूको म्यासेज आइरहेको छ । मैले धेरै महिलाहरूलाई बाटो देखाएको छु। आगामी दिनमा पनि निरन्तरता दिनेछु ।

यता डिभोर्स भएकी छोरीलाई बाजा बजाएर माईति फर्काउने वुवा प्रेम गुप्ता भन्छन्, ‘म जस्तै सबै अभिभावकले छोरीलाई साथ दिनुपर्छ । वास्तवमै प्रेम गुप्ता जस्ता वुवा र साक्षिको जस्तो परिवार सबैको भैदिए समजामा छोरीमान्छेलाई मात्र डीभोर्सीको ट्याग लाग्नेथिएँन । विवाह एक महिला र पुरुषबीच हुन्छ । सम्बन्ध दुबैको बिग्रिन्छ । डिभोर्स पनि २ जनाको सम्झदारीमानै तय हुन्छ । तर डिभोर्स भैसकेपछि पुरुस आजात हुन्छ /केहि समयमाने दोस्रो विवाह गर्छ अनि नया समबन्धमा रमाउन थाल्छ तर महिला भने जिन्दगीभर समजाका अनेक तिरस्कार /डीभोर्सीको ट्याग /लिएर आफ्नो स्वतन्त्र जीवन जीवन बहुत संघर्ष गर्नुपर्छ ।