काठमाडौं- बेलायतमा कोरोना भाइरसको संक्रमण सुरु भएदेखिकै सबैभन्दा बढी संक्रमित भएका बताइएको छ। त्यहाँ गएको २४ घन्टा यता मात्र कम्तीमा पनि १ लाख २९ हजार ४७१ जना संक्रमित भेटिएका छन्। त्यहाँका स्वास्थ्य अधिकारीहरुले सो कुरा बताएका हुन्।

अधिकारीहरुका अनुसार कोरोनाका कारण १८ जनाको ज्यान गएको छ। अहिलेसम्ममा १ करोड २३ लाख भन्दा बढी संक्रमित पाइएका छन्। त्यसैगरी बेलायतका स्वास्थ्य अधिकारीहरुले त्यहाँ अहिलेसम्म कोरोना भाइरसको संक्रमणबाट कम्तीमा पनि १ लाख ४८ हजार २१ जनाको ज्यान गएको बताएका छन्।

बेलायतमा पछिल्लो समयमा ओमिक्रोनको संक्रमण पनि बढ्दै गएको छ। जसका कारण त्यहाँको सरकारले कतिपय सार्वजनिक कार्यहरुमा प्रतिबन्ध लगाएको छ भने सतर्क रहन आग्रह पनि गरेको छ। पछिल्लो समयमा त्यहाँ ओमिक्रोनको प्रकोप बढेपछि अस्पताल भर्ना हुने संक्रमितहरुको संख्या पनि बढ्दो देखिएको छ।

यो पनि पढनुहोस

सरकारले भोलि सार्वजनिक बिदा दिने तयारी गरेको छ ।

गुरुङ समुदायले मान्ने तमु ल्होसारको अवसरमा भोलि सार्वजनिक बिदा दिने प्रस्तावलाई गृहमन्त्रालयले मन्त्रिपरिषद् बैठकमा लैजाने तयारी गरेको छ ।

आज बस्ने मन्त्रिपरिषद्को नियमित बैठकले ल्होसारको अवसरमा बिदा घोषणा गर्ने तयारी गरेको गृह मन्त्रालयको स्रोतको भनाई छ ।

तमु ल्होसार गुरुङ समुदायको नयाँ वर्ष आरम्भ हुने दिन मानिन्छ ।