Jul 28 2026 | २०८३, श्रावण १२ गते
Jul 28 2026 | २०८३, श्रावण १२ गते
काठमाडौँ । कोशी प्रदेशका आन्तरिक मामिला तथा कानुन मन्त्री इन्द्रमणि पराजुलीको विराटनगरस्थित सरकारी निवासमा बिहीबार राति प्रहरी पुगेपछि विवाद उत्पन्न भएको छ। मन्त्रीको सचिवालयले प्रहरी पर्खाल नाघेर निवासभित्र प्रवेश गरेको दाबी गरेको छ।
मोरङका प्रमुख जिल्ला अधिकारी युवराज कटेलका अनुसार कर्तव्य ज्यान मुद्दाका एक फरार अभियुक्तको खोजीका क्रममा प्रहरी टोली उक्त स्थानमा पुगेको थियो। उनले प्रहरीलाई उक्त घर मन्त्रीको निवास भएको जानकारी नभएको र अभियान कुनै पनि रूपमा मन्त्रीलक्षित नभएको स्पष्ट पारे।
कटेलका अनुसार खोजीमा रहेका अभियुक्त पहिले सोही घरमा भाडामा बस्ने गरेको सूचना प्राप्त भएपछि प्रहरीले निगरानीका लागि टोली परिचालन गरेको थियो। तर प्रहरी पुग्नुअघि नै ती व्यक्ति स्थान परिवर्तन गरिसकेको पाइएको उनले बताए।
.gif)
यता मन्त्रीको सचिवालयले भने उक्त घर मन्त्रीको सरकारी निवास भएको जानकारी हुँदाहुँदै पनि प्रहरीले जबर्जस्ती प्रवेश गरेको आरोप लगाएको छ। घटनाबारे थप स्पष्टता आउन बाँकी छ।
© 2026 All right reserved to laligurash.com
By 
