Jul 28 2026 | २०८३, श्रावण १२ गते
Jul 28 2026 | २०८३, श्रावण १२ गते
काठमाडौँ । इलाका प्रहरी कार्यालय खुर्कोट को हिरासतमा रहेका २२ वर्षीय श्रीकृष्ण विकको मृत्यु प्रकरणले नयाँ मोड लिएको छ। परिवारले प्रहरी यातनाका कारण मृत्यु भएको आरोप लगाउँदै निष्पक्ष न्यायिक छानबिनको माग गरेको छ भने प्रहरीले भने घटनाबारे फैलिएका विवरणलाई भ्रामक भन्दै खण्डन गरेको छ।
मृतककी आमा विन्दामाया विकले जारी गरेको विज्ञप्तिमा पक्राउपछि छोरा हिरासतमा राखिएको र मानसिक तथा शारीरिक यातना दिइएको दाबी गरिएको छ। परिवारले मृत्यु आत्महत्या नभई शंकास्पद भएको भन्दै पोस्टमार्टम र दाहसंस्कारसमेत अस्वीकार गरेको छ।
जिल्ला प्रहरी कार्यालय सिन्धुली का अनुसार उनी हिरासतको शौचालयमा झुन्डिएको अवस्थामा फेला परेका थिए र तत्काल उपचार प्रयास गर्दा पनि ज्यान जोगाउन सकिएन।
.gif)
घटनाको सत्यतथ्य छानबिनका लागि सहायक प्रमुख जिल्ला अधिकारीको संयोजकत्वमा समिति गठन गरिएको छ। यसैबीच राष्ट्रिय दलित आयोग ले घटनाप्रति गम्भीर ध्यानाकर्षण जनाउँदै निष्पक्ष र पारदर्शी छानबिन गर्न आग्रह गरेको छ।
परिवार, प्रहरी र सरोकारवाला निकायका फरक दाबीका कारण घटना थप संवेदनशील बनेको छ भने छानबिनपछि मात्र वास्तविक तथ्य सार्वजनिक हुने अपेक्षा गरिएको छ।
© 2026 All right reserved to laligurash.com
By 
