Jul 28 2026 | २०८३, श्रावण १२ गते
Jul 28 2026 | २०८३, श्रावण १२ गते
काठमाडौं । आर्थिक चुनौतीहरू समाधान गर्दै नागरिकको जीवनस्तर सुधार गर्ने लक्ष्यसहित सरकारले आगामी बजेटलाई नयाँ प्राथमिकतामा केन्द्रित गर्ने संकेत दिएको छ।
अर्थमन्त्री डा.स्वर्णिम वाग्लेले इकोनोमिक मिडिया एसोसिएसन नेपाल (इमान) सँगको छलफलमा उद्यमशीलता प्रवर्द्धन, स्वदेशी उत्पादन वृद्धि र आत्मनिर्भर अर्थतन्त्र निर्माणलाई मुख्य आधार बनाइने बताए।
उनका अनुसार पूँजी विकास, रोजगारी सिर्जना र बढ्दो महँगी नियन्त्रण आगामी बजेटका प्रमुख प्राथमिकता हुनेछन्। सञ्चार क्षेत्रसँग सहकार्य गर्दै यी नीति प्रभावकारी रूपमा कार्यान्वयन गर्ने तयारी रहेको उनले स्पष्ट पारे।
.gif)
वाग्लेले भ्रष्टाचार नियन्त्रण र सुशासन स्थापना बिना आर्थिक सुधार सम्भव नहुने उल्लेख गर्दै सबै पक्षको जिम्मेवारी आवश्यक रहेको बताए। उनले रोजगारी सिर्जनालाई सरकारको केन्द्रीय लक्ष्यका रूपमा अघि बढाइने पनि जानकारी दिए।
छलफलका क्रममा इमानले सञ्चार क्षेत्रको समग्र विकासका लागि सन्तुलित र समावेशी नीति आवश्यक रहेको माग राखेको थियो, जसप्रति सरकार सकारात्मक देखिएको छ।
© 2026 All right reserved to laligurash.com
By 
