Jul 28 2026 | २०८३, श्रावण १२ गते
Jul 28 2026 | २०८३, श्रावण १२ गते
काठमाडौँ । बाजुरामा यस वर्ष शैक्षिक सत्र सुरु हुनु अघि नै पाठ्यपुस्तक वितरण सम्पन्न भएको छ। पछिल्ला दुई–तीन वर्षमा समयमै पाठ्यपुस्तक पुग्ने परम्परा बसिसकेको छ, जसले विद्यार्थीहरूमा खुशी र सहजता बढाएको छ।
शिक्षा विकास तथा समन्वय इकाई बाजुराका प्रमुख लाल बहादुर बिष्टका अनुसार कक्षा १ देखि १० सम्मका सामुदायिक विद्यालयका विद्यार्थीलाई आवश्यक पुस्तक शिक्षा मन्त्रालयको निर्णयअनुसार उपलब्ध गराइएको छ। सदरमुकाम मार्तडीका विक्री केन्द्रहरूमा सबै आवश्यक पाठ्यपुस्तक पुगेका छन् र ११ भन्दा बढी विद्यालयले पुस्तक प्राप्त गरिसकेका छन्।
शिक्षक कठक बहादुर रोकायाले भने, “समयमै पाठ्यपुस्तक पुगेपछि भर्नासँगै विद्यार्थीलाई किताब दिन सहज भएको छ। यसले सिकाईमा समेत सुधार ल्याएको छ।”
.gif)
सरकारले हिमाली र पहाडी जिल्लालाई प्राथमिकतामा राखेर समयमै पुस्तक पुर्याउने लक्ष्य राखेको छ। हाल बाजुरामा २३७ वटा सामुदायिक विद्यालय सञ्चालनमा छन्, र सबै ९ वटै पालिकामा पाठ्यपुस्तक वितरण सकिएको छ।
© 2026 All right reserved to laligurash.com
By 
