काठमाडौँ । काठमाडौँमा एक प्रहरी सहायक निरीक्षक (असई)ले आफ्नै चार महिनाका छोराको हत्या गरेको आरोपमा पक्राउ परिएका छन्। प्रहरीका अनुसार पुस्कर कार्की नामका असई आइतबार दिउँसो मिसिनामंगलस्थित डेरामा ब्रेन ट्युमर पीडित छोराको घाँटी थिचेर हत्या गरेपछि फरार भएका थिए।

उनी घटनापछि भाग्दै गरेको अवस्थामा नागढुंगाबाट पक्राउ परेर हिरासतमा राखिएको काठमाडौँ प्रहरी परिसरका एसपी तथा प्रवक्ता पवनकुमार भट्टराईले जानकारी दिए।

छोराको उपचारका विषयमा कार्की र उनकी श्रीमती कृष्णा कुँवर—जो स्वयं पनि प्रहरी जवान हुन्—बीच विवाद चल्दै आएको प्रारम्भिक अनुसन्धानमा खुलिएको छ। हत्या प्रयासका क्रममा कार्कीले श्रीमतीलाई समेत कुटपिट गरेर घाइते बनाएको प्रहरीले जनाएको छ। घाइते कुँवरको अहिले महाराजगञ्जस्थित नेपाल प्रहरी अस्पतालमा उपचार भइरहेको छ।