Jul 28 2026 | २०८३, श्रावण १२ गते
Jul 28 2026 | २०८३, श्रावण १२ गते
काठमाडौँ । जेनजी आन्दोलनका क्रममा मातहतका हतियार र कार्यालय सुरक्षा प्रभावकारी ढंगले सुनिश्चित गर्न नसकेको भन्दै सशस्त्र प्रहरी बलका डीएसपी गौतम कुँवरलाई विभागीय कारबाही सिफारिस गरिएको छ।
प्रधान कार्यालयको आन्तरिक छानबिन समितिको प्रतिवेदनपछि बानेश्वरस्थित सुरक्षा बेसका तत्कालीन इन्चार्ज कुँवरमाथि कारबाही अघि बढाउन सिफारिस भएको सशस्त्र स्रोतले पुष्टि गरेको छ।
भदौ २३ र २४ मा भएको जेनजी आन्दोलनका बीच कुँवरको कमान्डमा रहेको बेसबाट १४ थान एसएलआर हतियार प्रदर्शनकारीले जलाईदिएको आरोप छ। अन्य बेसहरूमा क्षति नपुगेकाले अन्य कमान्डर कारबाही सूचीमा नपरेका छन्।
.gif)
सशस्त्र प्रहरी नियमावली अनुसार कुँवरमाथि विभागीय कारबाही हुने बताइएको छ, तर कुन प्रकारको दण्ड लाग्ने भन्ने खुलाइएको छैन।
© 2026 All right reserved to laligurash.com
By 
