Jul 28 2026 | २०८३, श्रावण १२ गते
Jul 28 2026 | २०८३, श्रावण १२ गते
काठमाडौँ । पूर्व पश्चिम राजमार्गअन्तर्गत मकवानपुरको हेटौँडा उपमहानगरपालिका–९ मा गएराति बसले ठक्कर दिँदा पैदल यात्रुको मृत्यु भएको छ। रूपन्देही देवदह नगरपालिका- ८ का ३७ वर्षीय रामबहादुर बोहराको मृत्यु भएको हो ।
जनकपुरबाट काठमाडौँ तर्फ जादै गरेको बा प्र ०३–००१ ख २६५६ नम्बरको यात्रुवाहक बसको ठक्करबाट उनी गम्भीर घाइते भएका थिए। प्रहरीले उनलाई उद्धार गरी हेटौँडा अस्पताल मकवानपुर पठाएको थियो। अस्पताल पुग्ने बित्तिकै चिकित्सकले मृत्यु घोषणा गरेको मकवानपुरका प्रहरी प्रवक्ता प्रहरी नायब उपरीक्षक पुष्कर बोगटीले जानकारी दिए।
ठक्कर दिने बसका चालक महोत्तरी रामगोपालपुर नगरपालिका–६ बस्ने ३३ वर्षीय सुजय कुमार सिंहलाई नियन्त्रणमा लिएको प्रहरीले जनाएको छ।
.gif)
© 2026 All right reserved to laligurash.com
By 
