Jul 28 2026 | २०८३, श्रावण १२ गते
Jul 28 2026 | २०८३, श्रावण १२ गते
काठमाडौँ, गत मंगलबारको भारी हिमपातपछि मनास्लु क्षेत्रमा अलपत्र परेका १२८ जनालाई उद्धार गरिएको छ। मौसम खुलेसँगै आइतबार र सोमबार हेलिकप्टरमार्फत उद्धार कार्य सम्पन्न भएको गोरखा जिल्ला प्रहरी कार्यालयका डीएसपी राजकुमार श्रेष्ठले जानकारी दिए।
उत्तरी क्षेत्रमा परेको तीव्र हिमपातका कारण लार्केपास पार गर्न नसकेका सामागाउँ र साम्दो क्षेत्रमा रहेका व्यक्तिहरूलाई उद्धार गरिएको हो।
सहायक प्रमुख जिल्ला अधिकारी चित्राङ्गद बरालका अनुसार आइतबार र सोमबार ५१ वटा हेलिकप्टर उडान अनुमति दिइएको छ — आइतबार २६ र सोमबार २५ वटा। उनका अनुसार मौसम सुधारिएसँगै उद्धार उडानका लागि अझै केही समूहले अनुमति मागिरहेका छन्।
.gif)
यसैबीच, ३,७३६ जना पदयात्रीहरू भारी हिमपातका कारण लार्केपास नगई बीचबाटै फर्किएका छन्। केही पर्यटक भने मौसम खुलेपछि धर्मशाला क्षेत्रतर्फ अघि बढेका छन्।
**मनास्लु संरक्षण क्षेत्र परियोजना (एमक्याप)**का अनुसार लार्केपास क्षेत्रमा हिउँले ढाकेको ट्र्याक खोल्ने काम पनि जारी छ।
© 2026 All right reserved to laligurash.com
By 
