Jul 28 2026 | २०८३, श्रावण १२ गते
Jul 28 2026 | २०८३, श्रावण १२ गते
काठमाडौं, हालैको जेनजी आन्दोलनका क्रममा भएको आगजनी तथा तोडफोडबाट क्षतिग्रस्त मालपोत कार्यालय कास्कीले आजदेखि सेवा पुनः सुरु गरेको छ । मालपोत अधिकृत शोभाखर पोख्रेलका अनुसार अहिले अत्यावश्यक सेवाका साथै नियमित सेवा पनि सञ्चालनमा ल्याइएको छ ।
कार्यालय क्षतिग्रस्त भएकाले सेवाग्राहीलाई प्रतिक्षालयमार्फत सेवा प्रदान गरिँदै आएको छ । अत्यावश्यक सेवा मात्र सीमित नराखी, सक्दो सबै प्रकारका सेवा दिन सकिने गरी प्रयास गरिएको पोख्रेलले जानकारी दिए ।
उनका अनुसार आन्दोलनका क्रममा कार्यालयमा रहेका झण्डै ८० प्रतिशत कागजात पूर्ण रूपमा नष्ट भएका छन्, जसले सेवा पुनः सञ्चालनमा कठिनाइ सिर्जना गरेको छ । यद्यपि, पोखरा महानगरपालिका–११, १२, १३ नम्बर वडा तथा मौजा हेम्जाका कागजात भने सुरक्षित रहेको र अन्य अधिकांश वडाका अभिलेखहरू आगलागीबाट पूर्णरूपमा जलेर नष्ट भएको जानकारी दिइएको छ ।
.gif)
© 2026 All right reserved to laligurash.com
By 
