काठमाडौं, सन्दिप लामिछाने सम्बन्धि अपुस्ट समाचारले कान्तिपुरको सम्पादकीय नेतृत्व नै हल्लिएको छ । समाचार प्रमुख विजय पौडेलले नैतिक जिम्मेवारी लिँदै पदबाट राजीनामा दिएका छन्। पत्रकार विजय पौडेल अब आफु कान्तिपुरकर्मी नरहेको भन्दै कान्तिपुर टेलिभिजनबाट बाहिरिएका हुन । उनले क्रिकेटर सन्दीप लामिछानेबारे कान्तिपुर टिभी डटकममा प्रकाशित एक समाचारको विषयलाई लिएर व्यवस्थापन टिमले प्रश्न उठाएपछि नैतिक जिम्मा लिएर राजीनामा दिएका छन ।

कान्तिपुरका प्रवन्ध निर्देशक सम्भव सिरोहियाले लामिछानेसँग सम्बन्धित समाचारको विषयमा सार्वजनिक रुपमै समाचार प्रमुखमाथि प्रश्न उठाएका थिए । तर, विजयले आज आफ्नो राजीनामा दिँदै सो समाचार टिभीका समाचार उपप्रमुखले स्वीकृति दिएपछि टिभीको अनलाईनमा प्रकाशित भएको खुलासा गरेका छन् । उनले आफनो सामाजिक सञ्जाल फेसबुकमा लेखेका छन ।  कान्तिपुर टेलिभिजनबाट बाहिरिएको छु । अव देखि म कान्तिपुरकर्मी होइन ।

इतिहासदेखि आजसम्म कान्तिपुर टिभिवाट भएका कामलाई ओझेल पार्ने गरि सिंगो समाचार शाखा र आफ्नै समाचार टीम माथि सार्वजनिक रुपमा प्रश्न उठाइएको छ । पत्रकारितामा मैले झण्डै तीन दशक लामो समय विताएको छु । यसमा सबैभन्दा धेरै समय कान्तिपुर मै काम गरेको छु । काम गर्ने क्रममा २०६२–०६३ को आन्दोलनदेखी अहिलेको आन्दोलनसम्म आईपुग्दा धम्कि पनि धेरै आए, कुटपिट पनि भए, घाइते पनि भएँ । यि सबै व्यक्तिगत भएपनि कान्तिपुरसँग जोडिएकाले भएका हुन् ।

समाचार निर्माणको निश्चित प्रक्रिया र मापदण्ड हुन्छ । सन्दिपको विषयमा, उनले युनिटी कप सिरिजको पहिलो म्याच किन खेलेनन् र दोश्रो म्याच खेल्छन् कि खेल्दैनन भन्ने सर्वत्र चासो थियो । पहिलो म्याचमा नेपालले ऐतिहासिक जित हासिल गरेकाले यो चासो झन बढेको थियो । यस विषयमा के भएको हो समाचार बनाउन सम्पादकीय नेतृत्वको हिसाबले मैले नै समाचार उपप्रमुख र स्पोर्टस व्युरो चिफ तथा रिपोर्टरलाई भनेको हो । जहिले पनि समाचार रिपोर्टरले लेख्ने, कपी एडिटरले हेर्ने र पोष्ट गर्ने प्रक्रिया नै हो । यो प्रक्रियामा समाचार प्रमुख तथा उपप्रमुखले समाचार हेरेर स्वीकृति दिने काम पनि हुन्छ ।सन्दिपको समाचार उप प्रमुखले स्वीकृति दिएपछि कान्तिपुर टिभि डट कममा प्रकाशन भएको थियो । जुन कुरा मैले पछि मात्र थाहापाउछु।