काठमाडौँ, ओलीले मन्त्रीपरिषद्बाट सामाजिक सञ्जाल प्रतिबन्धको निर्णय गर्नुभन्दा केही समयअघि मात्र भाईबर खोलेको पाईएको छ । उनले ढेड महिना अघिमात्र आफ्नो भाइबर च्यानल खोलेको र त्यसको केही सातापछि उनले प्रतिबन्ध गरेको हुन । फेसबुक ,युटुव , वाट्सअप लगाएतका सामाजिक सञ्जाल प्रतिबन्ध लगाउने पूर्व योजनाका साथ ओली भाइबरमा सक्रिय हुन थालेको हुन । आजभन्दा करिब डेढ महिना अघि २५ असारमा ओलीको नाममा भाइबर च्यानल तयार भयो । यसको जानकारी उनले आफ्नो फेसबुक पेजबाटै दिएका थिए ।

उनी भाइबरमा जोडिएको डेढ महिनापछि ९ भदौ २०८२ को मन्त्रीपरिषद् बैठकबाट प्रधानमन्त्री ओलीले सबै सामाजिक सञ्जाललाई सात दिनभित्र सूचीकरणमा आउन आह्वान गर्ने र अटेर गरे नेपालमा प्रतिबन्ध लगाउने निर्णय गरे । ११ भदौमा सञ्चार तथा सूचना प्रविधि मन्त्री पृथ्वीसुब्बा गुरुङले सो निर्णय सार्वजनिक गरे । त्यसको एक सातापछि अन्तत क्रमश नेपालमा फेसबुक लगाएतका नेपालमा दर्ता नभएका एपहरु बन्द हुन थाले । सरकारले दर्ता नभएका सामाजिक सञ्जाल प्लेटफर्महरू बन्द गर्ने निर्णय गरेपछि युट्युब लगायतका विभिन्न प्लेटफर्ममा आधारित सामग्री उत्पादक तथा प्रयोगकर्ताहरू प्रभावित पनि भएका छन् ।सामाजिक सञ्जाल प्रतिबन्ध लगाउँदा सूचीकरणमा आएका ५ वटा सामाजिक सञ्जाल भने अहिले निर्बाध रूपमा सञ्चालनमा छन् । जसमा टिकटक, भाइबर, निम्बज, विटक र पोपो लाइभ रहेका छन् । यी सामाजिक सञ्जाल हालै नभई केही समय पहिले देखि नै सञ्चार तथा सूचना प्रविधि मन्त्रालयको सूचीकरणमा थिए ।

अहिले फेसबुक, मेसेन्जर, ह्वाट्सएप, भाइबर, युट्युब, इन्स्टाग्राम, लिङ्क्डइन, स्न्यापच्याट लगायतका सामाजिक सञ्जाल बन्द हुँदा सबैभन्दा बढी फाइदा भाइबरलाई नै पुगेको छ । सामाजिक सञ्जाल प्रतिबन्धको निर्णय भएको २४ घण्टामै यो एप ८८ ओटा अन्य एपलाई पछि पार्दै नेपालमै सबैभन्दा बढी डाउनलोड हुने एपको सूचीमा पहिलो नम्बरमा पुगेको पनि छ ।  नेपालमा सबभन्दा धेरै प्रयोग हुने फेसबुक र म्यासेन्जर एप चल्न छाडेपछि प्रयोगकर्ताले वैकल्पिक एपका रूपमा भाइबर रोजेको देखिएको छ । प्ले स्टोरको फ्रि एपमा भाइबरपछि अहिले क्रमशः च्याटजीपीटी, कल एप, इमो, ह्वाट्सएप रहेका छन् । दर्ता भइसकेका कारण सरकारको निसानामा नपरेको टिकटक पनि शीर्ष एपको छैठौं नम्बरमा छ ।

सूचीमा फेसबुक लाइट तथा फुल भर्सन क्रमशः नवौं र दशौं, म्यासेन्जर एघारौं नम्बरमा छन् । अहिले बिशेष गरि सामाजिक सञ्जालमा फेसबुक नचलेपछि बिशेष गरि आमाबुबाबाट टाढा भएका छोराछोरीहरु समस्यमा परेका छन । दिनहु बिदेशमा रहेका छोराछोरीहरुको हालखबर बुझिरहेका आमाबुबाहरु ऋहिले सम्पर्कबिहिन जस्तै भएका छन । छोराछोरीको फोटो देखेर म्यासेन्जरमा कल गर्ने बुढाआमाबुवाहरु अहिले न भाईबर चलाउन जानेका छन त र अन्य नेपालमा चलिरहेको एपबाट जोडिन पाएका छन ।