रबि लामिछानेलाई समर्थन गर्ने ,साथ दिने र रास्वपा रोज्नेको लर्को लागिरहेको छ । अहिले बर्षौदेखी एमाले ,कांग्रेस र माओवादीमा रहेकाहरु ध्माधम पूराना पार्टी छाड्दै नया शक्तिको रुपमा उदाएको रास्वपालाई रोज्नेहरु धेरै छन ।

अझ भनौ सहकारी ठगी प्रकरणमा रबि लामिछाने जेलमा परेपछि उनलाई साथ दिने र उनीमाथि राजनितिक प्रतिशोध साधिएको भन्दै उनको पक्षमा हस्ताक्षर गर्ने पनि लाखौले गरेका छन ।

यहिबिचमा काँग्रेस युवा नेता दोमन भण्डारी राष्ट्रिय स्वतन्त्र पार्टी (रास्वपा) मा प्रवेश गरेका छन । उनी नेपाली कांग्रेसका मध्यबिन्दु नगर सभापति समेत थिए । अझ खास कुरा त के  भने दोमन भण्डारीकै घरमा कांग्रसे कार्यालय छ । भण्डारीले अहिले त्यहीँ कांग्रेससँग असन्तुष्टि जनाउँदै रास्वपा प्रवेश गरेका हुन् । २०५४ सालदेखि नै तरुण दलसँग जोडिएर कांग्रेसको राजनीति थालेका भण्डारीले ५ वर्षअघि आफ्नै घरमा मध्यबिन्दु नगरपालिका कांग्रेस पार्टी कार्यालय स्थापना गरेका थिए ।

तर एकाएक उनी आफनै घरमा रहेको कांग्रेसकै पार्टी कार्यालमा नजाने गरि राष्ट्रिय स्वतन्त्र पार्टी (रास्वपा) प्रवेश गरेका छन् । भण्डारीले नगरसभापतिबाट केही दिन अघि नै राजिनामा दिइसक्नुभएको थियो । भण्डारीको प्रवेशबारे रास्वपा गण्डकी प्रदेशका सभापति राजन गौतमले सामाजिक सञ्जालमार्फत जानकारी गराउनुभएको छ । नवलपरासी (बर्दघाट सुस्ता पूर्व)मा पर्ने मध्यबिन्दु नगरपालिकामा २०७१ सालयता २ पटक सभापति निर्वाचित भएका थिए ।

अहिले उनी भण्डारीलाई केन्द्रीय प्रचार विभाग सदस्यको जिम्मेवारी दिइएको गौतमले जानकारी दिए ।लमो समयदेखि नेपाली कांग्रेसको राजनीतिमा लागेको तर त्यही पार्टी भने आफ्नो विचार र नीतिबाट विचलित भएकाले आफ्नै घरमा कार्यालय भएको पार्टी छोडेर रास्वपा रोजेको भण्डारीले बताए ।माथिदेखि तलसम्मै नेताहरूको चरित्र नफेरिएपछि आफूले नै पार्टी फेरेको भण्डारीको तर्क छ । उनी नेपाली सेनाको जागिर छोडेर १० वर्ष अफगानिस्थान बसेर नेपाल फर्किएका हुन् । भण्डारी चितवन राष्ट्रिय निकुञ्ज मध्यवर्ती क्षेत्र व्यवस्थापन समिति ( काउन्सिल ) को सदस्यसमेत हुन् ।

नारायणी सह लगानी खानेपानी तथा सरसफाई उपभोक्ता संस्थाको संस्थापक अध्यक्षसमेत रहेका भण्डारीले राइनो क्लबको नेतृत्वसमेत गरेका छन् । नेपाली कांग्रेसबाट सक्रिय युवा नेता भण्डारी नगरपालिका र जिल्ला दुवै तहमा परिचित नेता मानिन्थे । अब भने उनले रास्वपाबाट राजनीतिक यात्रालाई अघि बढाउने बताएका छन् ।

यता राष्ट्रिय स्वतन्त्र पार्टी (रास्वपा)ले दैनिक एक हजारभन्दा बढीले आफ्नो पार्टीको सदस्यता लिइरहेको दाबी गर्दै आईरहेको छ । केही समयअघिको एक कार्यक्रममा रास्वपाका प्रवक्ता मनीष झाले अहिले पार्टी प्रवेश गर्नेहरू बढिरहेको छ ।’अहिले हामीकहाँ दैनिकरूपमा हजार जनाभन्दा बढीले सदस्यता लिइरहेको बताएका थिए ।