काठमाडौँ । काग्रेँस परित्याग गरेपछि शेरबहादुर देउवालाई पहिलो पटक राष्ट्रिय स्वतन्त्र पार्टीका उपसभापति डा.स्वर्णिम वाग्लेले भेटेका छन । कांग्रेस सभापति देउवा भेट्न वाग्ले बुढानीलकण्ठ पुगेको खुलासा भएको छ । देउवा र वाग्लेबीच करिब ४५ मिनेट वान टू वान वार्ता भएको थियो । सभापति देउवासँगै वाग्लेको भेट गराउन कांग्रेस नेता तथा पूर्व परराष्ट्रमन्त्री डा।नारायण खड्काले समन्वय गरेको बताइएको छ । भेटका क्रममा भिजिट भिसा प्रकरणदेखि समसामयिक राजनीतिक विषयवस्तुमा छलफल भएको बताइएको छ । देउवा प्रधानमन्त्री भएकै बेला वाग्लेलाई योजना आयोगको उपाध्यक्ष बनाएका थिए । भिजिट भिसा प्रकरणमा गृहमन्त्री रमेश लेखकको राजीनामा माग गर्दै संसदमा विरोधमा रहेकै समयमा वाग्लेले देउवासँग गरेको यो भेटलाई अर्थपूर्ण रुपमा हेरिएको छ । यो भेटलाई कांग्रेस र रास्वपाको सम्बन्ध सुधारको प्रयासको रुपमा हेरिएको छ ।

खासगरी पछिल्ला केहि साता कांग्रेस उपसभापति पूर्णबहादुर खड्काले पनि रास्वपासँग सम्बन्ध सुधारको प्रयास गरिरहेको बुझिएको थियो । वाग्लले पार्टी उपसभापतिको हैसियतले देउवालाई भेटे र संवाद गरेका हुन ।त्यही भेटको बेलामा देउवाले कांग्रेस नछाडेको भए हुने जस्ता बिचारहरु राखेको पनि पाईएको छ । कांग्रेसमा जे जस्तो असुन्तुष्टि रहे पछि देउवाले भने तपाई जतिको मान्छे हाम्रो कांग्रेसलाई चाहिएको थियो ‘गिरिजाबाबुविरुद्ध मैले पनि त १४ वर्ष संघर्ष गरेकै हुँ देउवाले भनेको एक श्रोताले बताएका छ । देउवाको सवार र जिज्ञसालाई मेटाउदै रास्वपाका वाग्लले भने म अब ५–१० वर्ष राजनीतिमा सक्रिय हुने छु ।

मेरो ऊर्जा, क्षमताले दिन सक्ने यही हो । ५० देखि ६० को यो दशकलाई मैले एकदम महत्त्वपूर्ण मानेको छु । यसलाई मैले सदुपयोग गर्ने निर्णय गरेको उहाँलाई सुनाए । देउवाको नेतृत्वमा रहेको कांग्रेसले अवसर पटक–पटक नदिएको, पछिल्लो पटक चुनावी राजनीतिमै होमिने खोज्दा नदिएपछि तथ्यहरू राखेको वाग्लेले सुनाए । नेपाली कांग्रेसमा आवद्ध हुदा अर्थशास्त्रीक रुपमा रहेका डा। स्वर्णिम वाग्लेले कांग्रेस परित्याग गर्ने क्रममा भनेका थिए कांग्रेस९कम्युनिष्टका असल मानिसहरु, दलमा आबद्ध नभएका स्वतन्त्रता र समुन्नतिका हिमायती, कुलीन राजनीतिको परिधिभन्दा बाहिर रहेका, एवं विदेशमा बसेपनि नेपालको भलो चिताउने नेपालीहरु मिलेर बलियो वैकल्पिक लोकतान्त्रिक शक्तिको निर्माण गर्नुपर्छ ।

सुशासनको जगमा स्वच्छ लोकतन्त्र र आर्थिक उन्नतिको एजेण्डा बोक्दै २०८० को सुरूवातसँगै नयाँ सार्वजनिक भूमिकामा सक्रिय हुनेछु ।’ आम नैराश्य चिरेर ‘यो देश बन्छ’ भन्ने आशा जगाउने उनको भनाइ छ । उनले जननायक बीपी कोइराला, गणेशमान सिंह, सुवर्ण शमशेर र किशुनजीको ऐतिहासिक दल कांग्रेस अहिले अहिले दाइ९भाउजु९साला९भतिजको अक्षम गिरोहमा परिणत हुँदै गएको आरोप पनि लगाएका थिए ।