काठमाडौँ । बालेन शाहले कार्यपालिकाको बैठक नबोलाएपछि सुनिता डंगोल सहित कार्यपालिकाका ४१ जना सदस्य अदालत जाने तयारी गरेका छन । शाहलाई कार्यपालिका बैठक बोलाउन उनीहरुले १ हप्ताको अल्टिमेटम आज सकिएको छ । तर कार्यपालिकाको बैठक नबोलाए पछि कार्यपालिका सदस्यहरूले अदालत गुहार्ने तयारी गरेका हुन । गत सोमबार उपमेयर सुनिता डंगोलसहित कार्यपालिका सबै सदस्यहरूको अनौपचारिक बैठकले मेयर साहले एकलौटी गर्न खाजेको आरोप लगाउँदै तत्काल कार्यपालिका बैठक बोलाउन माग राखेर मेयर साहलाई ध्यानाकर्षणपत्र बुझाएका थिए ।

पछिल्लो समयमा सुनिता डंगोल र सरोज गुरागाई बिचमा बोलचाल नै हुन छाडेको छ । उनीहरु बिचमा भेट नभएको पनि महिनौ भएको बुझिएको छ । यतिबेला महानगरमा बालेन एक्लिएका छन । उनको पक्षमा महानगरका कुनै कर्मचारी रहेका छैनन । स्थानीय तहले असार १५ सम्ममा बजेट ल्याउनुपर्ने कानुनी बाध्यता छ । तर, लामो समयदेखि कार्यपालिका बैठक बस्न नसक्दा आगमी आर्थिक वर्ष २०८२–८३ का लागि बजेट निर्माणको प्राथमिकताका विषयमा कार्यपालिकामा छलफल गर्न पाएको छैन । त्यसले गर्दा कामपाको अधिकांश काम अस्तव्यस्त छ । उच्चस्रोतका अनुसार मेयर साह कार्यपालिकाको बैठक राख्नुअघि कामपामा प्रतिनिधित्व गर्ने चारजना वडाअध्यक्षसँग प्रतिनिधिमूलक भेट गर्न चाहेको तर उनीहरूले सचिवालय सदस्यको सहभागी हुने विषय स्वीकार नगरेका हुन । तर, अधिकांश वडाका जनप्रतिनिधिले मेयर संगमात्र भेट्ने चाहना राखेका छन ।

मेयर साह स्वीकय सचिव भुपदेव शाह र केही सचिवालयका सदस्य साथमा लिएरमात्रै भेट्ने तयारीमा रहेका छन । स्रोतका अनुसार मेयर साह आफूनिकट प्रहरी प्रमुख राजुनाथ पाण्डेलाई स्पष्टीकरण सोधेको विषयमा वडा अध्यक्षहरूसँग र आफूमाथि आधारहीन आरोप लगाएकोमा प्रवक्ता एवं १७ का अध्यक्ष नवीन मानन्धरसँग रुष्ट भएका छन ।

स्थानीय सरकार सञ्चालन ऐन २०७४ को दफा १७ को उपदफा १ मा कार्यपालिकाको बैठक कम्तीमा महिनाको एकपटक बस्ने व्यवस्था उल्लेख छ । यद्यपि, बैठकसम्बन्धी व्यवस्थामा मेयरले बैठक बोलाउन नचाहेसम्म बैठक बस्न सक्दैन । ऐनमा बहुमत कार्यपालिकाका सदस्यले बैठक बोलाउन चाहेमा बैठक बोलाउनैपर्ने कानुनी बाध्यता छैन । कार्यपालिकामा कानुनी व्यवस्था कायम गर्नकै लागि कार्यपालिकाका सदस्यहरूले आफू अदालत जान लागेको बताएका छन । सकभर सहमतिमै अघि बढ्ने हरदम प्रयास गर्दा पनि मेयर साहको बेवास्ताको कारण समस्या बढेको कार्यपालिका सदस्यको आरोप छ ।

कार्यपालिकाको बैठक बोलाउन नेपाली कांग्रेस, नेकपा एमाले, माओवादी केन्द्र, एकीकृत समाजवादी र राष्ट्रिय स्वतन्त्र पार्टीका सदस्यले माग गरेका छन । बैठक बोलाउने विषयमा सबै कार्यपालिका सदस्य एकमत भएका छन ।