काठमाडौँ । राष्ट्रिय स्वतन्त्र पार्टी सभापति रवि लामिछाने सुप्रिम बचत तथा ऋिण सहकारीको सरकम हिना मिनाको आरोपमा यतिबेला कारागारमा छन् । १ करोड धरौटि छाड्ने जिल्लाको आदेश उल्ट्याउँदै उच्च अदालतले कारागार चलान गरेको छ । रवि लामो समय देखी कराघारमा छन् । तर, पछिल्लो समय सादा उजुरीलाई प्रहरीले रविविरुद्ध दुरुपयोग गरेको भन्दै बचतकर्ता सामाजीक सञ्जालमा आउन थालेका छन् । अहिले रविलाई काराघार चलान गरेर अनावश्यक दुख दिएको भन्दै आलोचना भई रहेको छ । रास्वपा स्वयमले प्रतिशोध साँधेको आरोप लगाई रहदाँ कतै वास्तबमा प्रतिशोधनै हो कि भन्ने आशंका अब चुलिएको छ । सहकारी ठगीको विषयमा रुपन्देही प्रहरीले गरेको अनुसन्धानमाथी अब प्रश्न उठ्न थालेको छ ।

आफ्नो सादा उजुरीलाई प्रहरीले रविविरुद्ध दुरुपयोग गरेको भन्दै तेस्रो बचतकर्ता सार्वजनिक भएकी छन् । जाहेरीकर्ताको पहिलो नम्बरमै नाम रहेकी रुपन्देही तिलोत्तमाकी पूजा न्यौपानेले आफूले रविविरुद्ध जाहेरी नदिएको बताएकी हुन् । आफूलाई अहिलेसम्म यो विषयमा प्रहरी प्रशासनले कहिल्यै बोलावट र सोधखोज समेत नगरेको उनको भनाइ छ । उनले सामाजीक सञ्जालमा भनेकी छिन् ।

म सुप्रीम सहकारीको बचतकर्ता र सहकारीपीडित हुँ । मैले आफ्नो ब्यापारबाट आएको आम्दानीलाई धेरैथोरै बचत गर्दै केही रकम सहकारीमा जम्मा गरेकी थिए । जब सहकारी डुब्यो भन्ने थाहा पाए त्यसपछी धेरैपटक पैसा पाईन्छ कि भनेर सहकारी कार्यालय गएर लाईनमा बसे । पछी ईलाका प्रहरी कार्यालय बुटवलबाट पैसा फसिएकाहरुले निवेदन दिनु भनेपछी मैले पनि पैसा फिर्ता पाउ भनेर निवेदन र पासबूकको फोटोकपी लगेर बुझाएको हो । मैले कुनै ब्यक्तिविशेषलाई किटानी जाहेरी वा उजुरी दिएकी छैन । तर रवी लामिछानेसहितलाई उजुरी दिएको भन्दै मेरो नाम उजुरीकर्ताको पहिलो नम्बरमै राखिएको रहेछ १ मैले ढिलामात्रै थाहा पाए । कसैलाई उजुरीनै नदिएको मान्छेलाई उजुरीकर्ता बनाईरहदा प्रहरीले एकपल्ट जानकारी सम्म दिएन, मैले उजुरी दिएकै हैन मैले त पैसा फिर्ता पाउँ भनी निवेदनमात्रै दिएकि हुँ ।

म आजपनि भन्छु, हामीले दुख गरेर जम्मा गरेको पैसा फिर्ता पाउनुपर्छ , तर कसैलाई राजनितिक रुपमा प्रतिशोध गरेर फसाउन खोजिरहदाँ हामी सोझा जनतालाई प्रयोग नगरियोस । उनले सामाजीक सञ्जालमा लेखेकी छिन् । यसअघि दुईजना बचतकर्ताले पनि यस्तै गुनासो सार्वजनिकरुपमा गरेका थिए, जसले गर्दा प्रहरी दबाबमा परेको छ । पूजाले पनि बुटवलको सुप्रिम बचत तथा ऋण सहकारी संस्था केही रकम बचत गरेकी थिइन् । सो रकम फिर्ता नआएपछि आफूले निवेदन दिएको उनले फेसबुकमा लेखेकी छन् । प्रहरीले रविविरुद्ध मुख्य जाहेरीकर्ता बनाएका नारायण पहराईले आफूले रास्वपा सभापति रवि लामिछानेविरुद्ध जाहेरी नदिएको खुलासा गरेका थिए । त्यसको ११ दिनपछि अर्की जाहेरीकर्ता गीता आचार्यले पनि रकम फिर्ताका लागि दिएको उजुरीलाई प्रहरीले अनुमतिविना रविविरुद्ध प्रयोग गरेको बताइन् । अहिले गीतापछि पुजाले पनि प्रहरीले आफ्नो जाहेरी दुरुपयोग गरेको भने पछि सामाजीक सञ्जालमा हंगामा मच्चिएको छ ।