काठमाडौँ । राष्ट्रिय स्वतन्त्र पार्टीका उपसभापति डा.स्वर्णिम वाग्लेले राप्रपा नेता रविन्द्र मिश्रमाथि लगाइएको राज्यविरुद्धको अपराध आफ्नो पार्टीका सभापति रवि लामिछानेलाई साँधेको राजनीतिक प्रतिशोध जस्तै भएको बताएका छन् । उनले सामाजीक सञ्जालमा एक स्ट्याटस लेख्दै रवि लामिछाने माथी साँधिएको राजनितीक प्रतिशोत्र मिश्र माथी पनि साँधिएको बताएका हुन् । उनले सरकारसँग विवेक देखाई रविन्द्र मिश्रलाई तुरुन्तै रिहा गरोस् भन्ने माग समेत गरेका छन् । उनले सामाजीक सञ्जालमा लेखेका छन् । रविन्द्र मिश्रः बुश हाउसदेखि भद्रकाली हिरासतसम्म।‘

हिजो लण्डनमा हिँड्दै गर्दा बिबिसी विश्व सेवाको तत्कालीन मुख्यालय बुश हाउस पुगेँ जहाँ रवीन्द्र मिश्रसँग ३० वर्षअघि मेरो पहिलो भेट भएको थियो। पारी, म पढ्दै गरेको ’लण्डन स्कुल अफ इकनमिक्स’ थियो। प्रधान वैचारिक मूल्य र मान्यता फरक रहेकोले राजनीतिमा सँगै काम गर्न सकेनौँ, तर हाम्रो सम्बन्ध दाजुभाइको जस्तै स्नेहपूर्ण छ। पूर्वसचिव कृष्ण ज्ञवालीले भन्नुभएझैँः “महत्त्वाकांक्षा, आग्रह, अधैर्य, अस्थिरता र अपरिपक्वता उहाँका आलोच्य पक्ष हुन् भने देशभक्ति, आर्थिक इमानदारी, परोपकारिता, अध्ययनशीलता र मिलनसारिता उहाँका प्रशंस्य गुण हुन्।“ नेता रविन्द्र मिश्रमाथि राज्यविरुद्धको अपराधजस्तो अनपेक्षित र अवान्छित अभियोग सभापति रवि लामिछानेमाथि साँधिएको राजनीतिक प्रतिशोध जस्तै हो। सरकारले विवेक देखाई तुरुन्तै रिहा गरोस् भन्ने माग गर्दछु। एनले भनेका छन् ।

पहिलो भेटको स्मरण गर्दै वैचारिक मूल्य र मान्यता फरक रहेकोले राजनीतिमा सँगै काम गर्न नसकेपछि आफूहरुको सम्बन्ध दाजुभाइको जस्तै भएको बताएका हुन् । मिश्र चैत १५ देखी हिरासतमा छन् । हिरासतमा उनीसँगै रहेका राप्रपाका महामन्त्री धवलशमशेर जबरा हाजिर जमानीमा छुटिसकेका छन् । मिश्रलाई अनुसन्धान अधिकृतहरुले प्रदर्शनकारीलाई उत्तेजित बनाएर निजी तथा सार्वजनिक सम्पत्ति तोडफोड गरेको र मानिसको मृत्यु हुने अवस्था सिर्जना गरेकोबारे प्रश्न गरेका छन् । मिश्र सहित २५ जना राज्य विरुद्धको कसुर गरेको आरोपमा थुनामा छन् । दुर्गा प्रसाईं नेतृत्वको ‘राष्ट्र, राष्ट्रियता, धर्म, संस्कृति र नागरिक बचाउ महाअभियान’ र नवराज सुवेदी नेतृत्वको ‘राजसंस्था पुनस्र्थापनाका लागी संयुक्त जनआन्दोलन समिति’ले आयोजना गरेको प्रदर्शनमा मिश्र सहभागी थिए । जिल्ला अदालत काठमाडौंले उनलाई थप एक हप्ता थुनामा राख्न अनुमति दिएको छ । गत चैत १० गते अदालतले ३ दिन मात्रै म्याद थपेको थियो ।

अहिले उनको रिहाईको माग गर्दै राप्रपा आक्रामक हु।दै आएको छ । संगैका सहयात्री राणा छुटेपछि मिश्र आफु पनि बाहिर निश्कन पाउने आशामा छन् ।