Jul 28 2026 | २०८३, श्रावण १२ गते
Jul 28 2026 | २०८३, श्रावण १२ गते
काठमाडौँ । राष्ट्रिय स्वतन्त्र पार्टीले हुम्ला जिल्ला सर्केगाड गाउँपालिको उपाध्यक्ष पदका उम्मेदवार सुजता थापालाई धम्क्याइएको र अपहरणको शैलीमा लछारपछार गरेको भन्दै निर्वाचन आयोगमा उजुरी दिएको छ ।
रास्वपा कार्यवाहक महामन्त्री कविन्द्र बुर्लाकोटीले चुनाव लड्न पाउने वातावरण नभएको भन्दै आइतबार आयोगमा उजुरी दिएका छन । ‘हुम्ला जिल्ला सर्केगाड गाउँपालिकामा राष्ट्रिय स्वतन्त्र पार्टीको तर्फबाट उपाध्यक्ष पदमा उम्मेदवारका लागि तयार रहेकी श्री सुजता थापालाई उम्मेदवारी मनोनयनका लागि आवश्यक तयारी भइरहेको बेला हिजो मंसिर १ गते दिउँसो करिब १ बजे निज सुजाता थापा र उहाँको श्रीमान बल थापालाई करीब ४०÷४५ जना युवाहरूको समूहले घरबाट लछारपछार गर्दै अपहरण शैलीमा अज्ञात स्थलतर्फ लिएर गएको र त्यस लगत्तै गाउँमा खैलाबैला भएको थियो,’ रास्वपाले भनेको छ ‘यो कुरा थाहा भए लगतै हुम्लाका प्रमुख जिल्ला अधिकारी श्री नारायण पाण्डेयलाई जानकारी गराइयो। प्रजिअलाई यसअघि पनि अन्य व्यक्तिले यस घटनाको सूचना दिएकोले आवश्यक खोजतलास उद्धारको लागि प्रहरी परिचालन गरिसकेको बताएका छन ।’
.gif)
असुरक्षाका कारण थापा उम्मेदवारी दिन नसकिने मनस्थितिमा पुगेको समेत रास्वपाले बताएको छ । त्यस्तै मधेश प्रदेशमा पनि आफ्ना उम्मेदवारहलाई धम्कि दिने काम भएको रास्वपाको दाबी रहेको छ ।
© 2026 All right reserved to laligurash.com
By 
