विमान दुर्घटनाका घाइतेको उपचारका लागि बंगलादेश बाट चिकित्सक नेपालमा

  • -लालिगुराश सम्बाद दाता

  • Warning: Use of undefined constant datetime - assumed 'datetime' (this will throw an Error in a future version of PHP) in /srv/users/serverpilot/apps/laligursh/public/wp-content/themes/laligurash/single.php on line 40
    बुध, फाल्गुन ३०, २०७४

    ३० फागुन, काठमाडौं । काठमाडौंमा भएको विमान दुर्घटना बारे जानकारी लिन आएको बंगलादेशको सरकारी टोलीले घाइतेहरुको उपचारमा सहयोग गर्नका लागि हाडजोर्नी र बर्न सम्बन्धी बंगलादेशी चिकित्सकहरुलाई नेपाल ल्याउन चहेको बताएको छ ।

    यसअघि सोमबार त्रिभुवन अन्तर्राष्ट्रिय विमानस्थलमा भएको यूएस बंगला विमानको दुर्घटनामा ४९ जनाको मृत्यु भएको थियो । जसमा २६ जना बंगलादेशी नागरिक थिए ।

    बुधबार गृहमन्त्री रामबहादुर थापा बादलसँग भेटवार्ता गर्दै बङ्गलादेशका नागरिक उड्डयन तथा पर्यटन मन्त्री ए.के.एम. शाजहान कमलले बंगलादेशबाट चिकित्सकहरु नेपाल पठाउन चाहेको बताएका हुन् ।

    उनले गृहमन्त्री थापासँग भनेका छन्, ‘दुर्घटनामा घाइते भएकाहरुको उपचारमा सहयोगका लागि हामी हाडजोर्नी र बर्न सम्बन्धी चिकित्सकलाई नेपाल पठाउन चाहन्छौं । त्यसको लागि बातावरण बनाइदिनु आग्रह गर्दछु ।’

    उनले ओम अस्पतालमा उपचारत डा. रिजवानलाई थप उपचारका लागि परिवारले सिंगापुर लैजान खोजेको पनि बताएका छन् ।

    जवाफमा मन्त्री थापाले डा. रिजवानको थप उपचारका लागि सिंगापुर लैजाने तथा बंगलादेशी चिकित्सहरुलाई उपचारमा सहयोग गर्न नेपाल आउने सम्बन्धी विषयमा नेपालस्थित बंगलादेशको दुतावासबाट प्रक्रिया पुर्‍याएर आग्रह आए सहजीकरण गर्न नेपाल सरकार तयार रहेको बताएका छन् । onlinekhabar बाट साभार

    यसमा तपाइको मत

    ट्वीटर

    बाट अन्य